Home / විහළු කතා / කීයක් කියල කිව්වොත් සතුටු ද?


කීයක් කියල කිව්වොත් සතුටු ද?


2017-02-21 09:44:00       813
feature-top
අලුතින් ඇරැඹුණු මූල්‍ය ආයතනයක් සඳහා මූල්‍ය කළමනාකරුවකු බඳවා ගැනීම පිණිස පැවැති සම්මුඛ පරීක්ෂණයකට සිරිල්. නලින් සහ මනෝ පෙනී සිටියහ. සම්මුඛ පරීක්ෂණය සඳහා තිදෙනාම එකට කැඳවූ එහි සභාපතිවරයා එහි වූ බෝඩ් ලෑල්ලක 2 + 2 යනුවෙන් ලිවීය.

“ 2 + 2 ඔබට පුළුවන් ද මේකෙ අගය කීයද කියල හරියටම කියන්න.” සිරිල් දෙසට ඇඟිල්ලක් දිගු කරමින් සභාපතිවරයා ඇසීය. “4 යි.” සිරිල් වහා පිළිතුරු දුන්නේ ය.

“හොඳයි, ඔයා කියන්න බලන්න.” සභාපතිවරයා එවර ඇඟිල්ල දිගු කළේ නලින් වෙත ය. “4 යි සර්.” නලින් වහා නැගිට ආචාරශීලීව කීවේ ය.

“එහෙනං ඔබත් කියන්න බලන්න.” අවසානයේ සභාපතිවරයා මනෝ දෙසට ඇඟිල්ල දිගු කර කීවේ ය.

“2 යි, 2 යි එකතු කළාම කීයක් කියල කිව්වොත් ද සර් සතුටු වෙන්නෙ?” මනෝ පෙරළා විමසීය.

“හොඳයි දැන් ඔය දෙන්නට යන්න පුළුවන්. අපි මිස්ටර් මනෝව අපේ මූල්‍ය කළමනාකාර තනතුරට තෝරා ගත්තා.” සභාපතිවරයා සිරිල් සහ නලින් දෙස බලා කීවේය.

Wmqgd .ekSu is¿ñK mqj;a m; weiqfrks

More News »