Home / විහළු කතා / අම්මාට තියෙන රුදාව මොකද්ද?


අම්මාට තියෙන රුදාව මොකද්ද?


2017-02-17 10:49:00       582
feature-top
ලංකාවේ උසස් බාලිකා විද්‍යාලයකට ඇතුළත් කළ ද සෙල්ලක්කාර ගතිපැවතුම් හේතුවෙන් නිසි අධ්‍යාපනයක් නොලැබූ තම දියණිය විදෙස් පාසලකට යවන්නට කටයුතු කළ සුමනා තම දියණිය දෙස බලා, බැරැරුම් හඬින් මෙසේ කීවා ය.

‘දුව හොඳට මතක තියාගනිං. කිසිම හේතුවක් හින්දා තමන් පදිංචි කාමරේට පිරිමියෙක් වැද්ද ගන්නවා එහෙම නෙමෙයි, තේරුණා ද? දරුවෙක් එහෙම කළොත් ඒක දරා ගන්ඩ බැරුව ඒ අම්මා පැළිලා මැරෙයි.’

දියණිය විදෙස්ගතවී මාස කීපයක ඇවෑමෙන් දිනක් සුමනා තම දියණිය නැවතී සිටි කාමරයේ දුරකතනයට ඇමතුමක් ගත්ත ද එය දිගටම නාද වූවා මිස එයට කිසිවකු පිළිතුරු දුන්නේ නැත. පැයකට පමණ පසු නැවතත් දියණියට කතා කිරීමට ඇය උත්සාහ කළ ද එය නිරර්ථක විය. තවත් පැයකට පසු තෙවැනි වරටත් සුමනා දුරකථන ඇමතුමක් ගනිද්දී දුරකථනයේ අනෙක් පසින් නැඟුණේ දියණියගේ කටහඬය.

‘කොහෙද දුව මෙච්චර වෙලා හිටියේ. දැන් ඔයාට පන්ති ඉවර වෙලා පැය තුනකටත් වැඩියි නේද?’ මව ඇසුවේ කේන්තිය යටපත් කරගනිමිනි.

‘අම්මාම නේද මට කිව්වේ කිසිම පිරිමියෙක් මගෙ කාමරේට වැද්ද ගන්ඩ එපා කියල? ඉතින් මම අද මගේ පන්තියේ යාළු පිරිමි ළමයෙකුගෙ කාමරේට ගියා. ඉතින් ඒක දැනගත්තොත් පපුව පැළිලා මැරෙන්නේ එයාගෙ අම්මනෙ. ඉතින් අම්මට තියෙන රුදාව මොකද්ද?’ දියණිය සැහැල්ලු ස්වරයකින් ඇසුවාය.

Wmqgd .ekSu is¿ñK mqj;a m; weiqfrks

More News »